1. أرسل شغلك
فكّر بفكرة لتابي. شي جديد، أو تغيير على شي موجود. وبعدين ورّها بالشكل اللي يناسبك.
جولتين: الأولى نقرأ فيها شغلك بدون اسم، والثانية تعرضه أنت مباشرة.
فكّر بفكرة لتابي. شي جديد، أو تغيير على شي موجود. وبعدين ورّها بالشكل اللي يناسبك.
لجنة من داخل تابي، فيها مختصين من المنتج والتصميم وأمن المعلومات، تقرأ كل مشاركة بدون ما تعرف صاحبها. الأقوى يوصلون للنهائي.
تعرض شغلك مباشرة وترد على أسئلة اللجنة. ما فيه مقابلة منفصلة بعدها.
أي واحد من هذي يكفي لحاله. ما فيه تنسيق مطلوب ولا حد للطول. ومهما كان اللي تختاره، لازم يجاوب على وش الخلل اليوم، وش بتغيّر، ومين يفيد. كل شي يوصلنا كروابط، ولازم كل رابط يفتح لأي أحد عنده الرابط.
صفحة تشرح الفكرة ومين تفيد.
Figma، شاشات، أو نموذج تفاعلي. نظامنا التصميمي متاح للكل على brand.tabby.ai.
كود شغّال، مستودع، أو تسجيل شاشة قصير.
ولا واحد منها مطلوب منك. حطيناها عشان تبيّن حجم الشي اللي نقصده، واللحظة اللي تتحول فيها الملاحظة لفكرة. فكرتك بتكون عن شي ثاني تمامًا، وهذا المقصود.
تكلفة الرحلة يدفعها اللي معه البطاقة. الكل ناوي يسدد حصته. بعد أسابيع فيه واحد للحين يطارد الباقي. فيه شخص وقف عند هذي النقطة وسأل وش لازم يتغيّر.
التطبيق ممتاز في آخر دقيقتين من شراء السيارة، وما عنده شي يقوله عن الثمانية أشهر اللي قبل. فيه شخص لاحظ الفجوة وبدأ منها.
فيه واحد حسب كم جلس التطبيق مفتوح عنده. تسعين ثانية. باقي رحلة الشراء، الاختيار والمقارنة والانتظار والإرجاع، صار في مكان ثاني.
ولا شي من هذا مطلوب، وما نتحقق منه. هذا بس اللي عادة يكون وراء الشغل اللي يوصل أبعد.
ما تحتاج فريق بحث. خمس محادثات مع ناس يستخدمون التطبيق فعلًا أفضل من استبيان كتبته عشان يوافقك.
ما عندك أرقامنا. احسب اللي تقدر توصل له: كم ضغطة تخلّص المهمة، كم تقييم يقول نفس الشي، كم شخص تعرفه واجه المشكلة.
غالبًا فيه أحد في تابي فكر فيها. تخمينك ليش وقّفهم، حتى لو طلع غلط، أحسن من إنك ما سألت نفسك السؤال أصلًا.
اللي يهمنا كيف وصلت للفكرة، مو شكلها النهائي، فأرسل اللي عندك.
المركز الأول والثاني والثالث والرابع، كل واحد منهم يحصل على تدريب مدفوع ستة أشهر في تابي بـ 3,000 ريال شهريًا، بدوام كامل، بشرط توقيع عقد منفصل واستيفاء شروط الأهلية المطلوبة.
التقديم أقفل. اللجنة تقرأ المشاركات، والنهائي يوم 27 أكتوبر.
فتح التقديم يوم 16 سبتمبر.
أقفل التقديم يوم 30 سبتمبر. ما عاد فيه إرسال.
المتأهلون يقدّمون شغلهم مباشرة أمام اللجنة، من 1 إلى 5 العصر بتوقيت الرياض. هذي الجلسة تغني عن المقابلة.
التقديم أقفل. اللجنة تقرأ كل مشاركة وصلت، وكل من شارك يوصله رد.
لجنة من داخل تابي، فيها مختصين من المنتج والتصميم وأمن المعلومات، تقرأ كل مشاركة وصلت قبل 30 سبتمبر.
الأسئلة توصلنا عبر النموذج ونرد على كل واحد شخصيًا على الإيميل، والأسئلة المتكررة تنضاف للأسئلة الشائعة في هذي الصفحة.
أفضل عشرة يتأهلون للنهائي يوم 27 أكتوبر، والباقين يوصلهم ملاحظات مكتوبة على مشاركتهم.
المشاركة مجانية وما فيه شي تشتريه.
مواطنين ومقيمين. المشاركة فردية، ولا تُقبل مشاركات الفرق.
اكتب باللغة اللي ترتاح لها. الاثنين يتقيّمون بنفس الطريقة وما يلزم ترجمة.
تُقرأ كل مشاركة على حدة، والشخص الواحد ما يفوز إلا مرة وحدة. لا يمكن لموظفي تابي والمتعاقدين معها وأفراد أسرهم المباشرين، ومن ترك تابي خلال آخر اثني عشر شهرًا، المشاركة.
أكثر الأسئلة اللي توصلنا. ولو سؤالك مو هنا، أرسله ونرد عليك شخصيًا.
أي شخص يعيش في السعودية وعمره 18 سنة فأكثر، مواطن أو مقيم. المشاركة فردية ولا تُقبل مشاركات الفرق. موظفي تابي والمتعاقدين معها وأفراد أسرهم المباشرين، ومن ترك تابي خلال آخر اثني عشر شهرًا، ما يقدرون يشاركون. والمقصود بالمتعاقدين هم اللي يشتغلون لصالح تابي. كونك تاجر يقبل تابي، أو مستخدم للتطبيق، ما يمنعك من المشاركة.
فكرة لتابي، شي جديد أو تغيير على شي نشغّله اليوم. أرسلها بالشكل اللي يناسبك: صفحة مكتوبة، ملف Figma، نموذج تفاعلي، كود شغّال، أو فيديو قصير. واحد يكفي، وما فيه تنسيق مطلوب ولا حد للطول. نظامنا التصميمي متاح للكل على brand.tabby.ai. كل شي يوصلنا كروابط، ولازم كل رابط يفتح لأي أحد عنده الرابط.
لا. المسودات الأولية تكفي والشغل الناقص عادي. وما فيه تنسيق مطلوب، فصفحة مكتوبة واضحة تعتبر مشاركة كاملة إذا وصّلت الفكرة.
إلى ثلاث مشاركات للشخص الواحد، وكل وحدة نقرأها لحالها.
عربي أو إنجليزي، اللي ترتاح له. الاثنين يتقيّمون بنفس الطريقة وما يلزم ترجمة. التدريب نفسه لغته إنجليزي، وهذا ما له علاقة بتقييم مشاركتك.
اللجنة تقرأ كل المشاركات. أفضل عشرة يتأهلون للنهائي يوم 27 أكتوبر، والباقين يوصلهم ملاحظات مكتوبة على مشاركتهم.
اسمك مخفي أثناء القراءة والتقييم. اللجنة من داخل تابي وتضم مختصين من المنتج والتصميم وأمن المعلومات. المتأهلون يقدّمون شغلهم مباشرة في النهائي يوم 27 أكتوبر، من 1 إلى 5 العصر بتوقيت الرياض، وهذي الجلسة تغني عن المقابلة. النهائي أونلاين، على Zoom أو Google Meet. وفيه حضور، والمشاركة في هذي الجولة تعني إنك تعرض قدامهم. أما نشر اسمك كفائز فيحتاج موافقة منفصلة، ورفضها ما يستبعدك.
اللي ترسله قبل 30 سبتمبر هو اللي تتقيّم عليه اللجنة. وإذا وصلت للنهائي تقدر تحسّنه وتعرض النسخة المطوّرة، بشرط تبقى نفس الفكرة.
أربعة مراكز. الأول والثاني والثالث والرابع، كل واحد منهم يحصل على تدريب مدفوع ستة أشهر في تابي بـ 3,000 ريال شهريًا، بدوام كامل، بشرط توقيع عقد منفصل واستيفاء شروط الأهلية المطلوبة.
إما حضوري في الرياض، أو عن بعد من منطقة ثانية. الترتيب يتفق عليه مع مديرك، وكثير من المتدربين عندنا يدرسون مع التدريب.
التدريب في إدارة المنتج والتصميم. ما فيه اختيار لقسم ثاني. وداخل المنتج فيه توجهات كثيرة، والفائز يروح للأقرب لفكرته.
لا. التدريب والمكافأة من تابي مباشرة والإجراءات كلها من عندنا. ما هو مسجل تحت هدف، وما يُحتسب من فرص تمهير المتاحة لك. ولو سبق واستفدت من تمهير، هذا ما يأثر عليك هنا.
لك أنت. تحتفظ بملكية مشاركتك، بما فيها أي كود أو ملفات تصميم. بمشاركتك تمنح تابي ترخيصًا غير حصري، مجاني، وعالمي لمراجعة مشاركتك وإعادة إنتاجها واستخدامها داخليًا لأغراض إدارة التحدي وتحكيمه. وأنت تؤكد أن مشاركتك عملك الأصلي، ولا تتحمل تابي أي مسؤولية عن دعاوى الملكية الفكرية الناشئة عن انتهاك المشارك. ولو احتجنا حقوقًا أوسع لاحقًا، هذا يكون باتفاق مكتوب منفصل وليس شرطًا للمشاركة.
أكيد. أرسله عبر نموذج الأسئلة ونرد على كل سؤال شخصيًا على الإيميل. وأي سؤال يتكرر ينضاف لهذه الصفحة.